УБЕГ-ын дарга Д.Дэлгэрсайханыг ажлаас нь чөлөөлжээ

УБЕГ-ын дарга Д.Дэлгэрсайхан нь энэ сарын 9-нд Сүхбаатар дүүргийн 11 дүгээр хорооны нутаг дэвсгэр дэх УБЕГ буюу ажлын байрандаа архидан согтуурч бусдын биед гэмтэл учруулсан талаар ЦЕГ-аас мэдээлсэн юм. Тус асуудалтай  холбогдуулан Д.Дэлгэрсайхан нь өөрийн хүсэлтээр ажлаас чөлөөлөгдөх хүсэлтээ гаргасан.

Тэгвэл түүний хүсэлтийг өнөөдөр /2024.11.13/ Засгийн газрын хуралдаанаар хэлэлцэж, улмаар үүрэгт ажлаас нь чөлөөлж шийдвэрлэжээ.