100 сая төгрөгийн шагналын сантай  “Жүдо топ-6” тэмцээн болно

100 сая төгрөгийн  шагналын сантай “Жүдо топ-6” буюу жүдо бөхийн жин бүрийн шилдэг зургаан  тамирчдын тойргийн барилдаан энэ сарын 30-ны өдөр UG-арена (Уран ган цогцолбор) -д болно.

Тус тэмцээний зорилго нь тэмцээнийг цувралаар тогтмол зохион байгуулах, жин бүрийн топ зургаан тамирчныг тойргоор өрсөлдүүлэх, дотоодын өрсөлдөөнийг сайжруулах, дотоодын чансааны оноо олгох, Монгол Улсад жүдо бөхийг хөгжүүлэхэд оршино.

Тасалбарыг www.shoppy.mn болон https://shoppy.mn/products/judo-241130 линкээр нэвтэрч худалдан авах боломжтой аж. 

Тасалбарын төрөл:

Суудалтай тасалбар - 25,000₮ - 40,000₮
VIP суудалтай тасалбар - 50,000₮

Насны ангилал: +6
Тасалбар буцаах боломжгүй.

Тэмцээний үеэр мөрдөх дүрэм:

• Үзэгч бүр өөрийн болон бусдын аюулгүй байдлыг хангах үүрэгтэй. Хэрэв осол, гэмтэл гарах нөхцөл байдал үүсвэл зохион байгуулагчдад яаралтай мэдэгдэнэ үү.
• Тасалбар дээр заасан суудалд тухална уу. Суудал солих, зөрчил гаргах нь дүрэм зөрчсөнд тооцогдоно.
• Тэмцээний талбай болон орчинд цэвэр байдлыг сахина уу. Хог хаягдлыг зориулалтын саванд хийнэ.
• Тэмцээний үеэр зохион байгуулагчдын зөвшөөрөлгүйгээр видео бичлэг хийх, шууд дамжуулахыг хориглоно.
• Үзэгчид согтууруулах ундаа хэрэглэн дүрэм зөрчихийг хатуу хориглоно.
• Үзэгчид хувийн эд зүйлсээ хариуцан хамгаална. Зохион байгуулагчид хохирол, хулгайд хариуцлага хүлээхгүй.
• Зөрчил гаргасан тохиолдолд: үзэгчийн зүгээс бусад оролцогчид болон зохион байгуулагчдад саад учруулсан тохиолдолд тэмцээнийг орхиж явах шаардлагатай болно.