Чөлөөт бөхийн мастеруудын ДАШТ-ээс манай бөхчүүд НАЙМАН МЕДАЛЬ ХҮРТЛЭЭ

Хорватын Порес хотноо болсон чөлөөт бөхийн мастеруудын дэлхийн аварга шалгаруулах тэмцээнд манай бөхчүүд гурван алт, хоёр мөнгө, гурван хүрэл медаль хүртсэн өндөр амжилттай оролцов.

Тодруулбал А ангиллын 62 кг-ийн жинд Т.Даваахуяг мөнгө, В ангиллын  88 кг-ын жинд Д.Уламбаяр мөнгө, D ангиллын 70 кг-ын жинд Н.Баатар алт, С ангиллын 130 кг-ын жинд A.Aлтанхуяг алт, D ангиллын 130 кг-ын жинд Ш.Баянмөнх хүрэл, E ангиллын 130 кг-ын жинд Ц.Анхбаяр хүрэл медаль тус тус хүртжээ. 

Харин сонгомол бөхийн төрөлд С ангиллын 130 кг-ын жинд А.Алтанхуяг алт, С ангиллын 130 кг-ын жинд М.Цанлиг хүрэл медаль тус тус хүртэв. 

Мөн тус тэмцээнд Монгол Улсыг төлөөлж Олон улсын шүүгч Батбаатарын Номин-Эрдэнэ оролцсон юм.