"20 жил газар зохион байгуулагчаар ажилласан хүнийг СЗХ-ны Хяналтын зөвлөлийн даргаар сонгочихлоо"

УИХ-ын чуулганы Пүрэв гарагийн (2025.01.16) нэгдсэн хуралдаан үргэлжилж байна. Хуралдаанаар Санхүүгийн зохицуулах хорооны Хяналтын зөвлөлийн дарга, гишүүдийг томилох асуудлыг хэлэлцэж, Санхүүгийн зохицуулах хорооны даргаар М.Буяндэлгэрийг томилов.

Үүнтэй холбогдуулан УИХ-ын гишүүн Х.Булгантуяа "Санхүүгийн зохицуулах хорооны Хяналтын зөвлөлийн даргад газар зохион байгуулагч, газар зохион байгуулагчаараа 20 жил ажиллаж, Газрын харилцаа, геодези, зураг зүйн газрын орлогч дарга байсан хүнийг сонголоо.

Санхүүгийн салбар ийм байхад яаж хөгжих юм бол оо. Иргэд санхүүгийн зах зээлд яаж итгэх вэ" хэмээн байр сууриа илэрхийлэв.