"Улаанбаатарын мөнгөн үдэш" цэнгүүнийг 367.5 сая төгрөгөөр зохион байгуулжээ

Шинэ жилийн баяраар буюу арванхоёрдугаар сарын 31-нд Д.Сүхбаатарын талбайд "Улаанбаатарын мөнгөн үдэш" арга хэмжээг жил бүр зохион байгуулдаг билээ. 

Энэ жил тус арга хэмжээг хийхэд 367.5 орчим сая төгрөгийг зарцуулсан байна. 

Тодруулбал, Нийслэлийн соёл урлагийн газрын шилэн дансны мэдээллээс харахад, тус байгууллагын данснаас "Провесс" ХХК-ийн компани руу өнгөрөгч арванхоёрдугаар сарын 27-нд 73 сая 520 мянган төгрөг шилжүүлжээ. Ингэхдээ "Улаанбаатар мөнгөн үдэш 20%" гэсэн гүйлгээний утгатайгаар хийсэн байгаа юм. 

Тэгэхээр, тус үйл ажиллагааг ойролцоогоор 370 орчим сая төгрөгөөр зохион байгуулсан болж таарч байна.