Архангай аймаг тавдугаар сарын 1-нийг хүртэл хурдан морины уралдаан ЗОХИОХГҮЙ байх захирамж гаргалаа

Засгийн газраас хаврын морин уралдаантай холбоотойгоор “Аймаг, сумын ИТХ аливаа урлаг, спорт, соёлын арга хэмжээг өөрсдөө мэдэж зохион байгуулна” хэмээн шийдвэрлэснээ танилцуулсан билээ. Энэ нь аймаг, орон нутаг хэзээ морь уралдуулахаа өөрсдөө мэдэж, шийдэхээр болсон гэсэн үг юм.

Тэгвэл орон нутгийн удирдлагууд эхнээсээ шийдвэрээ гаргаад эхэлжээ. 

Тухайлбал, Архангай аймгийн Засаг дарга Б.Цэрэннадмид тавдугаар сарын 1-нийг хүртэл хурдан морины уралдаан, үсэргээ, сунгаа, морины ажил зохион байгуулахыг хориглосон захирамж гаргасан байна.