"Хэрэглэгчийн төлбөр өндөр гарсан" гэх гомдлын дагуу ажиллав

"Хэрэглэгчийн төлбөр өндөр гарсан" гэх гомдлын дагуу УБЦТС ТӨХК-аас Сонгинохайрхан дүүргийн 6 дугаар хороонд очиж, тоолуурын заалт тулгаж, тоолуур хэмжих хэрэгслийн ажиллагааг шалгалаа.

Шалгалтаар тоолуур хэмжих хэрэгсэл хэвийн ажиллагаатай. Шалгалтын үеийн тоолуурын заалт бичилт хийснээс хойш 2904 кВт.ц хэрэглэсэн буюу 1 хоногийн дундаж хэрэглээ 194 кВт.ц байна. Хэрэглэгч 10 кВт-ын цахилгаан халаагууртай, 2 кВт-ийн бойлертой аж.

Хэрэглэгчийн цахилгаан эрчим хүчний хэрэглээ 2025 оны нэгдүгээр сард өмнөх оны мөн үеэс 6.2 хувиар өссөн байна. Хэрэглэгчид гэр, байшин сууцныхаа дулаан алдагдлыг бууруулж, хоёр тарифт тоолуураа гурван тариф руу шилжүүлээд 17-21 цагт өндөр зарцуулалттай хэрэглээгээ тохируулж төлбөрөө 30 дээш хувиар бууруулах боломжтойг зөвлөлөө.