Сайн дураар даатгуулагчдын НДШ нэмэгдэнэ

Хөдөлмөр, нийгмийн түншлэлийн гурван талт үндэсний хорооны 2024 оны аравдугаар сарын 7-ны өдрийн 03 дугаар тогтоолоор Хөдөлмөрийн хөлсний доод хэмжээг 20 хувиар нэмэгдүүлж, 792.0 мянган төгрөгөөр тогтоосон.

Тодруулбал, 2025 оны дөрөвдүгээр сарын 1-ний өдрөөс хөдөлмөрийн хөлсний доод хэмжээ 792.0 мянган төгрөг болох юм. 

Тиймээс нийгмийн даатгалд сайн дураар даатгуулагчид хөдөлмөрийн хөлсний доод хэмжээ буюу 792.0 мянган төгрөгөөс нийгмийн даатгалын шимтгэлээ тооцуулан төлнө.

Хөдөлмөрийн хөлсний доод хэмжээ нэмэгдсэн ч, нийгмийн даатгалын шимтгэлийн хувь, хэмжээ өөрчлөгдөөгүй 13.5 хувь хэвээр байгаа юм.

Эх сурвалж: Нийгмийн даатгалын ерөнхий газар