Сар шинийн баяраар гэр бүлийн хүчирхийллийн дуудлага нэмэгджээ

Сар шинийн баярын өдрүүдэд цагдаа, дотоодын цэргийн байгууллага өндөржүүлсэн бэлэн байдалд ажиллалаа. “Сар шинэ-2023” нэгдсэн арга хэмжээний үеэр нийслэлийн гудамж, талбай болон шөнийн эргүүлд 2700 алба хаагч ажилласан бол орон нутагт 4000 гарй алба хаагч үүрэг гүйцэтгэжээ. Баярын өдрүүдэд гэр бүлийн хүчирхийллийн болон согтуугаар тээврийн хэрэгсэл жолоодсон гэх дуудлага хэвийн үеэс нэмэгдсэн байна. 

Өчигдөр буюу хоёрдугаар сарын 26-ны өдөр цагдаагийн байгууллагын 102 дугаарт нийт 1693 дуудлага, мэдээлэл бүртгэгдсэнээс зөрчлийн шинжтэй 1409, гэмт хэргийн шинжтэй 77 дуудлага, мэдээлэл байна.

Үүнээс Хүүхэд, гэр бүл хүчирхийллийн 131, согтуугаар тээврийн жолоодсон 146 зөрчил илрүүлсэн бол 173 иргэнийг эрүүлжүүлжээ.