Энэ зун дулаан, халуун хүйтэн усны үнийг 85 хүртэлх хувиар НЭМЭХЭЭР шийдвэрлэжээ

Дулаан, халуун хүйтэн усны тарифыг нэмэх шийдвэр гарчээ. Энэ нь инфляцад нөлөөлөх талаар Монголбанкны Ерөнхийлөгч Б.Лхагвасүрэн мэдээлэв. 

Тэрбээр "Тавдугаар сарын 16-наас дулааны үнийг 85 хувиар нэмэхээр шийдвэр нь гарчихсан. Тэгэхээр тавдугаар сарын 16-нд дулааны үнийн нөлөө орж ирнэ.

Мөн ус сувгийн үнийг нэмнэ гэж ярьж байгаа. Есдүгээр сарын 16-наас эхлээд халуун болон хүйтэн усны үнэ нэмэгдэхээр зохицуулалт хийнэ. Төрөөс зохицуулах үйлчилгээний үнийн шийдвэр нэгэнт гарчихсан учраас эдгээр зүйлүүдийн тооцоолол инфляцад орж ирнэ. Өнөөдрийн инфляц хэдийгээр 9.6 хувь байгаа ч гэсэн саяны өсөлтүүд орохоор эргээд инфляцын дарамт нэмэгдэх нь ойлгомжтой байна" хэмээн хэллээ.