Хун нуурын мөс цөмөрч автомашин живжээ

Сонгинохайрхан дүүргийн 32 дугаар хороо Хун нуурын мөс цөмөрч Toyota chaser маркийн суудлын автомашин живсэн тухай дуудлага өчигдөр буюу гуравдугаар сарын 11-ний өдрийн 18:00 цагт Онцгой байдлын газарт иржээ. 

Дуудлагын дагуу нийслэлийн Аврах ангийн алба хаагчид, Сонгинохайрхан дүүргийн Онцгой байдлын хэлтсийн Гамшгаас хамгаалах улсын хяналтын байцаагч нар 07:30 цаг ажиллаж татан гаргасан аж. 

Цаг агаар дулаарч гол мөрөн, нуур, цөөрмийн  мөсөн бүрхүүл нимгэрч, мөсний зузаан харилцан адилгүй байгаа үед  гол, мөрөн, нуурын мөсөн дээгүүр авто тээврийн хэрэгслээр  хөдөлгөөн үйлдэхгүй, тээвэр хийхгүй байх, бага насны хүүхдийг гол, мөрөн, нуурын мөсөн дээр тоглуулахгүй байхыг анхааруулж байна.