ТЕНДЕР: "Эрдэнэс Тавантолгой" ХК ₮4,3 тэрбумаар 1883 ажилтнаа эрүүл мэндийн үзлэгт хамруулна

Эрдэнэс Тавантолгой ХК 1883 ажилтнаа эрүүл мэндийн урьдчилан сэргийлэх үзлэгт хамруулах тендер зарлажээ. Уг тендерийн төсөвт өртөг нь 4,3 тэрбум төгрөг байна. 

Тодруулбал, Эрдэнэс Тавантолгой ХК-аас өнөөдөр (2025.03.20) "Ажилтнуудын эрүүл мэндийн урьдчилан сэргийлэх үзлэг" хэмээх тендер зарласан байна. Төсөвт өртөг нь 4 тэрбум 368 сая 567 мянган төгрөг байгаа юм. Уг тендер сонгон шалгаруулалтын хугацаа дөрөвдүгээр сарын 21-нийг хүртэл буюу сарын хугацаанд материал хүлээн авахаар байна. 

Тендерийн баримт бичигтээ үзлэгт хамруулах ажилтны тоогоо 1883 гэж тусгажээ.