О.Цогтгэрэл: Авлигын асуудал ярьж дүүжилж байснаа сүүлд нь өмдний тэлээгээр хэрэгт хийдэг шиг л юм болж байна

УИХ дахь Ардчилсан намын бүлэг өнөөдөр (2025.03.24) хуралдаж дуусжээ. Бүлгийн хурлаар Хууль зүй, дотоод хэргийн сайд О.Алтангэрэлээс мэдээлэл сонссон байна. 

Хурлын дараа УИХ дахь АН-ын бүлгийн дарга О.Цогтгэрэл мэдээлэл өгөх үеэрээ "Ноорог"-той холбоотой асуудлаар байр сууриа илэрхийллээ. 

Тэрбээр "Хувь гишүүний байр сууринаас нөхцөл байдлыг дүгнэхэд, дээр үед авлигын асуудал ярьж баахан хүнийг дүүжилж байснаа сүүлд нь өмдний тэлээгээр хэрэгт хийдэг шиг л юм болж байна. Үүний цаана хэвлэл мэдээллийн амыг боох оролдлого л явагдаж байна. Хуулийн байгууллагаас өгч байгаа тайлбар өдөр бүр өөрчлөгддөг. Ямар ч хамаагүй зүйлтэй холбогдуулж, хэрэгт холбохыг хүсдэг энэ арга барил үйлчилсээр байна. Том асуудал ярьж эхэлснээ өмдний тэлээгээр хэрэгт хийдэг үйл явц давтагдах гээд байна уу гэсэн бодолтой байна" хэмээн хэлэв.