Нийслэлийн ногоон бүсэд аялах, ууланд алхах, төгсөлтийн баяр зохион байгуулах, ил гал гаргахыг хориглолоо

Нийслэлийн ногоон бүс ой, хээрийн гал түймрийн эрсдэлийн үнэлгээгээр “маш өндөр”, “өндөр” зэрэгтэй байна гэж Цаг уурын байгууллагаас мэдээллээ.

Эрсдэл нэмэгдсэнтэй холбогдуулан нийслэлийн Засаг даргын захирамжаар нийслэлийн ногоон бүсэд ойн дагалт баялаг ашиглах, аялал зугаалга, ууланд алхах, төгсөлтийн баярын арга хэмжээ зохион байгуулах, ил гал гаргахыг гуравдугаар сарын 28-ны өдрөөс 06 дугаар сарын 10-ны өдөр, 09 дүгээр сарын 20-ны өдрөөс 11 дүгээр сарын 10-ны өдрийг хүртэл хугацаанд хориглолоо. 

Он гарсаар нийслэлийн хэмжээнд иргэдийн санамсар болгоомжгүй үйлдлээс үүдэлтэй шар өвсний гал түймрийн 32 дуудлага бүртгэгдсэн байна.