Ерөнхий аудиторт нэр дэвшигчийн сонсголыг хийж, тайланг хаалттай хэлэлцэнэ

Монгол Улсын Ерөнхий аудиторт С.Магнайсүрэнг нэр дэвшүүлээд буй билээ. Үүнтэй холбогдуулан Төсвийн байнгын хороо өнөөдөр (2025.05.07) 09.00 “Жанжин Д.Сүхбаатар”-т хуралдаж эхэллээ.

Уг хуралдаанаар,

-Монгол Улсын Ерөнхий аудиторын албан тушаалд нэр дэвшигчийн сонсгол

-Монгол Улсын Ерөнхий аудиторын албан тушаалд нэр дэвшигчийн сонсголын тайлан гаргах /хаалттай/ сонсох ажээ.

С.Магнайсүрэнгийн тухайд, өмнө нь хуучнаар Барилга, хот байгуулалтын яам, Уул уурхай, хүнд үйлдвэрийн яаманд тус тус Төрийн нарийн бичгийн даргын албыг хашиж байсан юм.

Ажилласан байдал:

-1997-1999 онд “Улаанбаатар-Эрдэм” дээд сургуульд багш, тэнхимийн эрхлэгч,

-1999-2000 онд УИХ-ын Тамгын газарт УИХ-ын гишүүний туслах,

-2000-2005 онд УИХ-ын тамгын газарт зөвлөх,

-2005-2006 онд СБД-ийн ЗДТГ-т Тамгын газрын дарга,

-2006-2007 онд ХХААЯ-нд Сайдын зөвлөх,

-2007-2008 онд Сангийн яаманд Газрын дарга,

-2008-2013 онд УИХ-ын Тамгын газарт Нарийн бичгийн дарга,

-2015 оны хоёрдугаар сараас Хөдөлмөрийн яамны Төрийн нарийн бичгийн дарга,

-2015 оны аравдугаар сараас Барилга, хот байгуулалтын яамны Төрийн нарийн бичгийн дарга,

-2023 оны есдүгээр сараас Уул уурхай хүнд үйлдвэрийн яам одоогийн Аж үйлдвэр, эрдэс баялгийн яамны Төрийн нарийн бичгийн даргаар ажилласан.