Н.Учрал: Дараагийн Ерөнхий сайд болно, болохгүй гэж хэлэх нь зохимжгүй

ЗГХЭГ-ын дарга Н.Учралыг дараагийн Ерөнхий сайдаар томилогдоно гэх "бор шувуу" нисэж эхлээд буй. 

Үүнтэй холбогдуулан түүнээс тодруулахад тэрбээр дараах байр суурийг илэрхийлжээ.

ЗГХЭГ-ын дарга Н.Учрал "Би хоёр өдрийн өмнө Франц-Монголын Засгийн газрын комиссын хурлыг хийгээд, энэ үеэрээ оолн улсын шинжилгээний лаборатори байгуулах асуудлыг шийдвэрлүүллээ. Өчигдөр ирээд намын Бага хуралдаа суусан. Мэдээж МАН-ын Бага хурал улс төрийн шийдвэр гаргасан. 

Би Л.Оюун-Эрдэнийн Засгийн газрын гал тогоог хариуцаж байгаа хүний хувьд болоод буй үйл явцад байр суурь, дүгнэлт хийх нь боломжгүй зүйл. Дараагийн Ерөнхий сайд болно, болохгүй гэж хэлэх нь ч зохимжгүй. 

Яг одоо Ерөнхий сайдаар Л.Оюун-Эрдэнэ одоо ч ажиллаж байна шүү дээ" хэмээн хэллээ.