УИХ дахь АН-ын бүлэг шинэ даргаа сонгоно

Долоо хоног бүрийн Даваа гарагт УИХ-д суудалтай намын бүлгүүд хуралддаг билээ. Энэ дагуу өнөөдөр (2025.09.22) 10:00 цагаас УИХ дахь МАН, АН-ын бүлгүүд хуралдана. 

АН-ын бүлгийн хуралдаанаар шинэ даргаа сонгохоор байна. Учир нь, бүлгийн дарга О.Цогтгэрэл нь Ардчилсан намын даргаар сонгогдож, Улсын дээд шүүхээс түүнийг албан ёсоор бүртгээд байгаа юм. 

Бүлгийн дараагийн даргын асуудал тус намынхны дунд яригдаж буй бөгөөд УИХ-ын гишүүн С.Эрдэнэболд болно гэх яриа гарч эхэлжээ.