МУГТ Э.Цэндбаатар дараагийн тулаанаа арваннэгдүгээр сард хийнэ

Монгол Улсын гавьяат тамирчин, мэргэжлийн боксчин Э.Цэндбаатар Хойд Америкийн аваргын бүсийг хамгаалах ээлжит тулаанаа өнгөрсөн долоодугаар сард хийсэн. Тэрбээр АНУ-ын шилдэг боксчин Галиндотой тулж, илт давуу оноогоор ээлжит ялалтаа байгуулсан юм. Энэ нь түүний дараалсан 13 дахь ялалт байв.

Түүний дараагийн тулааны тов гарчээ.

Тодруулбал, ирэх арваннэгдүгээр сарын 7-нд АНУ-ын Флорида мужийн Тампа хотод Мексикийн боксчин Брэндон Бенитестэй тулалдах аж.

Түүний өрсөлдөгч мэргэжлийн боксын рингэнд 25 тулалдахад 21-д нь ялсан амжилттай бол Э.Цэндбаатар нэг ч ялагдалгүй яваа юм.