Стандарт, хэмжил зүйн газрын үйл ажиллагаанд процессын дахин инженерчлэл хийсэн тайланг танилцууллаа

Стандарт, хэмжил зүйн газрын үндсэн үйл ажиллагаанд процессын дахин инженерчлэл хийсэн ажлын үр дүн, хамтарсан тайланг өнөөдөр Төрийн цахим үйлчилгээний зохицуулалтын газар, "Систем арт венчурс" ХХК, “Ай Эм Эс Эй” ХХК танилцууллаа.

Стандарт, хэмжил зүйн газрын үйл ажиллагаанд процессын дахин инженерчлэл хийгдсэнээр төрийн үйлчилгээний чанарыг сайжруулах, бүтээмжийг нэмэгдүүлэх, үйл ажиллагааг хялбаршуулах гээд олон давуу тал бий болно.

Мөн иргэн, аж ахуйн нэгжид төрийн үйлчилгээг хурдан шуурхай, үр дүнтэй хүргэх зорилготой юм. Энэ уулзалтад Стандарт, хэмжил зүйн газрын дарга С.Батбаатар, Төрийн цахим үйлчилгээний зохицуулалтын газрын дарга П.Батбаатар, “Ай Эм Эс Эй” ХХК-ийн үүсгэн байгуулагч О.Баярмаа, "Систем арт венчурс" ХХК-ийн ахлах зөвлөх Ц.Мөнхтуяа болон албаны хүмүүс оролцож, процессын дахин инженерчлэлийн үр дүн, цаашдын хэрэгжилтийн талаар санал солилцов.

Ирэх долоо хоногоос Стандарт, хэмжил зүйн газрын үндсэн үйл ажиллагаанд процессын дахин инженерчлэл хийсэн тайланг олон нийтэд танилцуулах, харилцагч байгууллагуудтай илүү өргөн хүрээнд хамтрах, цахим үйлчилгээг нэвтрүүлэх, өргөжүүлэх ажлуудыг шат дараатай хэрэгжүүлэхээр төлөвлөж байна.