Боловсролын сайд П.Наранбаярын “Тавиул” Ховд аймгийн Боловсролын газрын даргын үүргийн Түр орлон гүйцэтгэгч Б.Цэрэндаваа хагас жилийн хугацаанд есөн сургуулийн захирал, найман цэцэрлэгийн эрхлэгчийг ажлаас нь чөлөөлсөн байдаг. Тэдгээрийн оронд танил тал, ахан дүүс гээд дандаа ажлын байрны шаардлага хангахгүй нөхдийг томилсон тухай бид урьд өмнө мэдээлж байсан. Тэгвэл энэ мэдээллийн мөрийг мөшгөх зуурт буюу энэ сарын 18-ны өдөр долоодугаар сургуулийн захирлыг Ахмадын волейболын улсын аварга шалгаруулах тэмцээнд явсан хойгуур ажлаас нь үндэслэлгүй чөлөөлж, түүний оронд багшаар ажиллаж байсан Б.Энхбаатарыг хууль зөрчин томилжээ. Б.Энхбаатар нь аанай л ажлын байрны шаардлага хангахгүй нөхөр гэдгийг эх сурвалж мэдээлж байна. Өөрөө сонгон шалгаруулалтыг будилуулж, өнөөдрийг хүртэл Түр орлон гүйцэтгэгчээр хууль зөрчин ажиллаж байж бусад томилгоог ч хууль бусаар хийж байгааг салбарынх нь сайд анхааралдаа авахгүй байна.
Боловсролын сайд П.Наранбаяр чухам яагаад ийн зах хязгаар аймагт дураараа туйлж байгаа “Түр дарга” Б.Цэрэндаваад арга хэмжээ авахгүй байгаа юм бэ гэх асуулт зүй ёсоор урган гарна. Энэхүү хууль бус үйлдлийнх нь талаар аймгийн удирдлагууд анхааруулж хэлэхэд “Та нар яах юм, би бол П.Наранбаяр сайдын томилсон хүн” хэмээн туйлж байгаагаас харвал үүний ард авлига ч байж болох. Тэрбээр хууль бус томилгоонууд хийхээс гадна Ховд их сургуульд хамт ажиллаж байсан найз н.Одончимэгийн удирддаг Төрийн бус байгууллагаар дамжуулан мөнгө угааж, завшсан байж болзошгүй үйлдэл гаргасан. Тодотговол, Жаргалант сумын арванхоёрдугаар цэцэрлэгийн багш, ажилчдад “Эрүүл зөв харилцаа” нэртэй сургалт зохион байгуулж, нэг цэцэрлэгээс 1.200.000 төгрөгийг тус Төрийн бус байгууллагын данс руу заавал шилжүүлэхийг шаардаж авсан. Энэ сургалтыг хийхдээ өөрийн найз Англи хэлний багш н.Одончимэг, Хөгжмийн багш н.Дэлгэрзаяа нартай хамтран ажиллаж, Жаргалант сумын цэцэрлэгүүдээс нийтдээ 12 сая орчим төгрөгийг авсан гэх мэдээлэл бий.
Тиймээс нутгийн иргэд П.Наранбаяр сайдын “Тавиул” Б.Цэрэндаваагийн энэ мэт хууль бус бусармаг үйлдлийг шалгуулахаар АТГ-т хандаад байгаа юм. Стратегийн гол салбар болох Боловсролын сайдаар золбин намын ашиг сонирхлын зөрчилтэй П.Наранбаярыг томилсон цагаас хойш ахиц дэвшил гарсангүй, уруудлаа.
Их Мэдэгч
dobu
