Засгийн газар хуралдаж, ханиад томуугийн асуудлыг хэлэлцэнэ

Долоо хоног бүрийн Лхагва гарагт Засгийн газрын ээлжит хуралдаан болдог билээ. Энэ долоо хоногийн Лхагва гарагт Бүгд найрамдах Монгол Улс тунхагласны өдөр таарч, бүх нийтээр амарна.

Иймд, Лхагва гарагийн хуралдаанаа өнөөдөр (2025.11.24) 15.00 цагт хийхээр төлөвлөжээ.

Хуралдаанаар, Ерөнхий сайд томуугийн асуудлаар холбогдох албаныхантай уулзах аж.

Сануулахад, өчигдөр Эрүүл мэндийн яам хуралдаж, сурагчдын амралтын хоёр долоо хоногоор наашлуулан арванхоёрдугаар сарын 01-нд эхлүүлэх саналаа Боловсролын яаманд хүргүүлсэн юм. Тус яам одоогоор ямар нэгэн тодорхой шийд гаргаагүй байгаа. Иймд Засгийн газрын хуралдаанаар хэлэлцэх бололтой.