ЕБС-ийн бүх сурагчдад үдийн хоол өгөх саналд 2676 гарын үсэг зуржээ

Иргэн Р.Сэддорж Ерөнхий боловсролын сургуулийн бүх сурагчдад "Үдийн цай" өгөх санал гаргаж, нийтийн өргөдлийн dparliament.mn сайтад байршуулан гарын үсэг цуглуулж эхэлжээ.

Тэрбээр уг саналыг хэрэгжүүлснээр "Сурлагын чанарыг дээшлүүлэх, боловсролын хүртээмжийг нэмэгдүүлэх, орлого багатай өрхийн хүүхдүүдийн сурах идэвхийг нэмэгдүүлэхэд бодит хувь нэмэр оруулах ач холбогдолтой" хэмээн үзэж буй аж. Саналыг Одоогийн байдлаар тус өргөдөлд 2676 хүн гарын үсэг зуржээ.

Мөн "ирэх оны нэгдсэн төсвийн төслийн Боловсролын арга хэмжээний 15-р хавсралт Үдийн цай хөтөлбөрийн 141.326,9 төгрөг гэснийг УИХ-ын 2024 оны 10 дугаар тогтоолын 3 дахь хэсэгт заасны дагуу Эрдэнэс Монгол ХХК түүний нэгдлийн болон бусад төрийн өмчийн оролцоотой аж ахуйн нэгжүүдийн 340,1 тэрбум төгрөгийн ногдол ашгийн төлбөрийн өрийг барагдуулах замаар 274.865,8 тэрбум төгрөгөөр нэмэгдүүлэн улмаар бүх сурагчдыг "үдийн цай" хөтөлбөрт хамруулах боломжтой" гэж үзжээ.

Тус өргөдөдлийг арваннэгдүгээр сарын 6-нд санаачилсан ба арванхоёрдугаар сарын 7 өдрийн 11:47 цаг хүртэл иргэд дэмжиж саналаа өгөх боломжтой юм. Хэрэв өргөдөлд 100,000 хүн гарын үсэг зурж дэмжвэл УИХ-аар хэлэлцэх нөхцөл бүрдэнэ.