Эмнэлгийн орны ачаалал нэмэгдэж хоногийн дотор 847 орыг нэмж дэлгэлээ

Энэ сарын 27-ны өдрийн байдлаар, Улсын хэмжээнд эмнэлэгт 3,006 хүүхэд хэвтэн эмчлүүлж байгаагаас 87.8% буюу 2,641 нь амьсгалын замын цочмог хүнд халдварын шалтгаантай байна. Энэ нь өмнөх өдрөөс 8.5% (n=2,416)-иар нэмэгдсэн үзүүлэлт юм. Амьсгалын замын цочмог хүнд халдварын шалтгаант жирэмсэн эмэгтэй 1.4% буюу 42 байна.

Эрчимт эмчилгээний тасагт 79 хүүхэд эмчлүүлж байгаагаас 81.0% буюу 64 нь амьсгалын замын цочмог хүнд халдварын шалтгаантай байгаа бөгөөд өмнөх өдрөөс 20.3% (n=51)-иар өсжээ.

Хүүхдийн яаралтай тусламжийн тасгаар 2,879 хүүхэд үзүүлснээс 76.5% буюу 2,202 хүүхэд томуу, томуу төст өвчний шалтгаантай байна. Өмнөх өдрөөс 13.5% (n=1,904)-иар өссөн байна.

Улсын хэмжээнд орны ачаалал нэмэгдэж 1,138 орыг дэлгэн ажиллуулж байна. 24 цагийн дотор 847 орыг нэмж дэлгэлээ.