Барилгын өргөн мэргэжил олгох сургалт эхэллээ

Зэвсэгт хүчний 017 дугаар ангийн цэргийн сургалт бэлтгэлийн төлөвлөгөөний дагуу хугацаат цэргийн алба хаагчдад барилгын мэргэжил олгох сургалт эхэллээ.

2025-2026 оны сургуулийн жилд барилгын бүтэц угсралт, барилгын сантехник, хоолой угсралт, цахилгаан хангамж, тоног төхөөрөмжийн ашиглалт, барилгын шал хананы засал чимэглэл, гагнуурчин гэсэн мэргэжлээр “Техник, технологийн их сургууль”-ийн харьяа “Техник, технологийн политехник коллеж”-ийн мэргэжлийн боловсролын нэг жилийн ангийг хичээллүүлнэ.

Барилгын мэргэжил олгох сургалтын онолын хичээл нь цэргийн ерөнхий бэлтгэл болон жигдрэлтийн шат, үйлдвэрлэлийн дадлагыг барилгын бүтээн байгуулалтын бодит практиктай уялдуулан зохион байгуулагддагаараа онцлог юм.