Сургууль, цэцэрлэгийн багш нарыг ээлжээр 7-14 хоног ЦАЛИНТАЙ АМРААХ санал гаргалаа

УИХ-ын гишүүн Ц.Мөнхтуяа ирэх оны нэгдүгээр сард багтаан өмчийн бүх сургууль, цэцэрлэгийн багш, ажилчдыг 7-14 хоног цалинтай амраах санал гаргаж, Боловсролын сайд П.Наранбаярт хүргүүлжээ.

Энэ талаар тэрбээр "Монголын багш нарын үйлдвэрчний эвлэлийн холбооноос ирүүлсэн саналыг үндэслэн УИХ-ын Боловсролын сайд П.Наранбаярт өвлийн ид хүйтэн, ханиад томууны дэгдэлтийн үед буюу 2025 оны 1-р сард багтаан төрийн өмчийн бүх хэлбэрийн цэцэрлэгийн багш, ажилтнууддаа ээлжээр 7-14 хоногийн цалинтай чөлөө олгож өгөхийг хүссэн албан бичиг хүргүүллээ. 

Хэрвээ ингэж чадвал олон мянган цэцэрлэгийн багш, ажилтнууд маань эмнэлэгт үзүүлэх, амрах, сувилуулах, агаарт гарах, дархлаагаа дэмжих боломжтой болох юм" хэмээжээ.