Ойрхи Дорнодод дор хаяж 1 сая гаруй аялагч гацжээ

Агаарын тээврийн мэдээллийн Cirium компанийн мэдээлснээр, өнгөрсөн сарын 28-нд агаарын цохилт эхэлснээс хойш Ойрхи Дорнодод дор хаяж 11,000 нислэг цуцлагдаж, 1 сая гаруй аялагч шууд нөлөөлөлд өртөөд байна гэжээ.

Арабын Нэгдсэн Эмират улсын аялал жуулчлалын томоохон төв болох Дубай нислэг цуцлагдсанаас болж онцгой хохирол амссан байна.

Мөн мянга мянган зорчигч тээвэрлэж явсан аялалын хөлөг онгоцууд Персийн буланд газардаж, дор хаяж зургаан хөлөг онгоц ойролцоох боомтуудад зангуугаа бэхэлсэн нь зорчигчдыг тэнд гацахад хүргээд байна.

Үүний зэрэгцээ Дубайн зарим чинээлэг оршин суугчид хувийн аюулгүй байдлын компаниудыг хөлсөлж, нисэх онгоцны буудлууд хэвийн ажиллаж байгаа Оман, Саудын Араб зэрэг хөрш зэргэлдээ орнууд руу хуурай замаар аялж, тус улсаас дүрвэж байгаа тухай мэдээлэл ч байна.

Британийн хэвлэл мэдээллийн The Guardian сонины мэдээлснээр, аюулгүй байдлын компаниуд Дубайгаас Саудын Арабын Рияд хот руу 10 цагийн зайтай машинаар үйлчлүүлэгчдийг тээвэрлэхийн тулд хэдэн арван том жийп машин ашиглаж байгаа бөгөөд Саудын Араб, Оманаас хувийн чартер нислэгийн үнэ огцом өссөн байна.