УИХ-ын байнгын хороо Цэцийн дүгнэлтүүдийг баталж, чуулганаар хэлэлцэх хуулийн төслүүдийг дэмжив

УИХ-аар Үндсэн хуулийн цэцийн дүгнэлтүүдийг хэлэлцэж, зарим хуулийн төслүүдийг чуулганаар хэлэлцүүлэхээр дэмжлээ.

Тодруулбал, Монгол Улсын Үндсэн хуулийн цэц-ийн 2025 оны 12 дугаар дүгнэлтийг хүлээн зөвшөөрөх санал хураалтад оролцсон гишүүдийн 61.1 хувь нь дэмжсэн байна. Уг дүгнэлт нь Монгол Улсын Их Хурал-ын чуулганы хуралдааны дэгийн тухай хуулийн зарим заалт Үндсэн хууль зөрчсөн эсэх маргаантай холбоотой байжээ.

Мөн Үндсэн хуулийн цэцийн 2026 оны 01 дүгээр дүгнэлтийг хүлээн зөвшөөрөх санал хураалтаар 66.7 хувийн дэмжлэг авч, батлагдсан байна. Энэ нь Үндсэн хуулийн цэцэд маргаан хянан шийдвэрлэх ажиллагааны тухай хуулийн зарим зохицуулалт Үндсэн хуультай нийцэж байгаа эсэхийг хянан шийдвэрлэсэн дүгнэлт аж.

Үүнээс гадна УИХ-ын 2026 оны хаврын ээлжит чуулганаар хэлэлцэх асуудлын жагсаалтад анх багтаагүй хэд хэдэн хуулийн төслийг хэлэлцүүлэх эсэх асуудлыг авч хэлэлцэж, тус бүрээр санал хураалт явуулжээ.

Тухайлбал:

УИХ-ын гишүүн Т.Мөнхсайхан нарын өргөн мэдүүлсэн Сургуулийн орчны эрүүл мэнд, аюулгүй байдлын тухай хуулийн төсөл

УИХ-ын гишүүн Д.Үүрийнтуяа нарын өргөн мэдүүлсэн Санхүүгийн хоршооны тухай хуулийн шинэчилсэн найруулга

Монгол Улсын Ерөнхийлөгч-өөс өргөн мэдүүлсэн Монгол Улсын Их Хурлын тухай хуульд нэмэлт, өөрчлөлт оруулах тухай төсөл

эдгээрийг тус тус чуулганаар хэлэлцүүлэхийг байнгын хорооны гишүүдийн 66.7 хувийн саналаар дэмжсэн байна.

Ингэснээр дээрх хуулийн төслүүдийг УИХ-ын чуулганы нэгдсэн хуралдаанаар хэлэлцэх боломж бүрдэж байгаа юм.