НИТХ-ын төлөөлөгч Б.Ану-Үжин Сүхбаатар дүүргийн 1, 2, 3-р хороонд ажиллаа

Нийслэлийн Сүхбаатар дүүргээс сонгогдсон НИТХ-ын төлөөлөгч Б.Ану-Үжин 7 хоногт 20 хороонд очиж ажиллаж, хороо тус бүр дээр иргэдэд тулгамдаж байгаа асуудлуудтай танилцаж, хамтран шийдвэрлэх ажил эхлүүлжээ. 

Энэхүү ажлын хүрээнд өнөөдөр (2026.03.31) Нийслэлийн Сүхбаатар дүүргийн 1, 2, 3-р хороонд очиж ажилласан байна.

Тус дүүргийн 1-р хорооны хувьд Нийслэлийн төсвийн хөрөнгө оруулалтаар 2026 онд нийтийн эзэмшлийн явган хүний зам, талбайн тохижилтын ажил, 1-р сургуулийн их засвар, 16-р цэцэрлэгийн өргөтгөл гэх зэрэг ажлууд төлөвлөгдсөн байна. 

2-р хорооны хувьд Нийслэлийн төсвийн хөрөнгө оруулалтаар 2025 онд тус хороонд 31-р сургуулийн өргөтгөлийн ажил дуусаж, 2026 онд борооны ус зайлуулах шугамын ажил хийгдэхээр төлөвлөгдсөн байна.

Мөн 3-р хороонд Нийслэлийн төсвийн хөрөнгө оруулалтаар 2025 онд 13/1-р байрны нийтийн зориулалттай орон сууцны дээвэр, фасадын засварын ажил дууссан бөгөөд 2026 онд 160-р цэцэрлэгийн засварын ажил болон Сөүлийн гудамжны борооны ус зайлуулах шугамын ажлууд хийгдэхээр төлөвлөгдсөн байна.

Хороодын засаг дарга нартай уулзах үеэрээ НИТХ-ын төлөөлөгч Б.Ану Үжин Сүхбаатар дүүргийн бүх сургууль, цэцэрлэгийн камержуулалтыг бүрэн хангах ажлыг санаачлан хэрэгжүүлнэ гэлээ.