Жүдо бөхийн Азийн АШТ-ээс Монголын баг хоёр алт, нэг хүрэл медаль хүртлээ

Ордос хотноо болж буй жүдо бөхийн Азийн аварга шалгаруулах тэмцээн энэ сарын 16-нд эхэлж, Монголын баг эхний өдрөө амжилттай оролцож хоёр алтан, нэг хүрэл медаль хүртлээ.

Тодруулбал, эмэгтэйчүүдийн -52 кг жинд Үндэсний шигшээ баг, Гүрү Дорж дэвжээний тамирчин, олон улсын хэмжээний мастер М.Нандин-Эрдэнэ алтан медалийн төлөө Узбекистаны тамирчин Сита Кадембоеватай барилдаж, нэмэлт цагт юүко үнэлгээгээр ялснаар Ази тивийн аварга боллоо.

19 настай Ж.Анударь энэ амжилтаараа Ази тивийн аварга болсон хамгийн залуу Монгол жүдоч болжээ. 

Мөн эмэгтэйчүүдийн -48 кг жинд Үндэсний шигшээ баг, Женко клубын тамирчин Ж.Анударь финалд Узбекистаны Лазиза Хайдароваг нэмэлт цагт юүко үнэлгээгээр ялж, тивийн аваргын анхны алтан медалиа хүртэв.

Эрэгтэйчүүдийн -60 кг жинд Үндэсний шигшээ баг, Шинэ Бадрах дэвжээний тамирчин, ОУХМ Т.Түмэнжаргал Казахстаны Аман Бахытжаныг нэмэлт цагт даралтад оруулан юүко үнэлгээ авч ялснаар хүрэл медаль хүртлээ.

Өмнө нь 2024 оны Ази тивийн аваргад Монголын гавьяат тамирчин Б.Баасанхүү болон Л.Энхрийлэн нар түрүүлж байсан нь энэ жингүүдийн тогтвортой өндөр амжилтыг бататгаж байна.