ОУХМ Т.Ариунзаяа Азийн аваргын хошой мөнгөн медальтан боллоо

Ордос хотноо болж буй жүдо бөхийн Азийн аварга шалгаруулах тэмцээн энэ сарын 16-нд эхэлж, хоёр дахь өдрөө үргэлжилж байна.

Энэ өдөр эмэгтэйчүүдийн -57 кг жинд Үндэсний шигшээ баг, Хилчин спорт хорооны тамирчин, ОУХМ Т.Ариунзаяа алтан медалийн төлөө БНАСАУ-ын тамирчинтай барилдсан ч нэмэлт цагт юүко үнэлгээ алдаж, мөнгөн медаль хүртлээ.

Тэрбээр 2025 онд мөн энэ жинд финалд шалгарч байсан бөгөөд ийнхүү хоёр дахь жилдээ дараалан Азийн аваргын мөнгөн медаль хүртэж байна.