СОНИРХОЛТОЙ ТҮҮХҮҮД: 14 настай Кристиан 15 метрийн цооног нүхнээс бяцхан хүүг аварсан түүх

Одоогоос 13 жилийн өмнө Румын Улсын Сегарча хотод Габриэль Руиу гэгч 3 настай бяцхан хүү 15 метрийн гүнтэй, 30 орчим сантиметр өргөнтэй нарийн цооног руу унаж, аврагчид түүнийг аврахын тулд ойролцоогоор 11 цагийн турш аврах ажиллагааг явуулжээ. 

Эцэст нь 14 настай өсвөр насны хүү Кристиан Мариан Бечеану өөрөө сайн дураараа босоо ам руу толгойгоороо бууж, хүүг барьж авч чадсан бөгөөд тэднийг хамтад нь аюулгүй гаргаж иржээ. Кристианыг тухайн үед үндэсний баатар хэмээн өргөмжилсөн бөгөөд мэргэжлийн гал сөнөөгч, аврагч болох замналаа эхлүүлсэн гэж ярьдаг. 

Бусдын амь насыг аварсан түүний баатарлаг үйлсийг төр засаг болон олон улсын байгууллагууд өндрөөр үнэлж, гал сөнөөгч болох мөрөөдлийг нь дэмжин тэтгэлэг олгож байжээ. 

Улмаар тэрээр сургуулиа төгсөж, өдгөө хүмүүсийн амь насыг авран хамгаалах үндсэн ажлаа нэр төртэйгээр гүйцэтгэж байна.

Тэрбээр одоо гэрлэж, эхнэр, хүүхдийн хамт Румын улсын Сегарча хотод амьдардаг.

Хүүг 15 метрийн гүнээс гаргаж ирэхэд биеийн температур нь маш багассан (хөлдөх шахсан), хүчилтөрөгчийн дутагдалд орсон, мөн сэтгэл санааны гүн шоконд орсон байжээ. Хоолой руу унах үед хүзүүний нугалам нь гэмтсэн байж болзошгүй гэж үзэн эмнэлгийнхэн хүзүүнд нь тусгай бэхэлгээ хийж, мэдрэлийн мэс заслын тасагт хяналтад байлгаж, нарийн мэргэжлийн эмч нарын хяналтад орж, шаардлагатай эмчилгээг хийлгэсний дараа ямар нэгэн ноцтой хүндрэл, гэмтэлгүйгээр бүрэн эдгэрч, эсэн мэнд гэр бүлдээ очсон байна.

Үйл явдлын дараа хүүгийн эцэг эх тэрхүү аюултай гүн цооног, худгийг бүрмөсөн таглаж, дурсгал болгон дээр нь мод тарьсан байна.

Габриэль хүүг эмнэлгээс гарч, эсэн мэнд гэртээ ирэх өдөр түүний төрсөн ах, хамаатан саднаас гадна аврагч Кристиан хүү өөрөө тэдний гэрт ирж угтан авч байжээ. Хүүгийн гэр бүлийнхэн Кристианыг өөрийн хүү шигээ хайрлаж, насан туршдаа талархаж явахаа илэрхийлсэн байдаг.  

Тэд хоёулаа Сегарча хэмээх нэгэн жижиг хотод одоо ч гэсэн амьдардаг бөгөөд орон нутгийнхан болон гэр бүлүүд нь байнга харилцаа холбоотой байдаг байна.