Дайны төгсгөлийн талаарх санамж бичиг тохиролцоонд хүрсэнгүй

АНУ-ын Ерөнхийлөгч Дональд Трамп Ирантай хийх энхийн хэлэлцээрийн талаар Цагаан ордoнд уулзалт хийсэн боловч эцсийн шийдвэрт хүрч чадаагүй гэж мэдээлжээ.

Нью Йорк Таймс сонинд "Ерөнхийлөгч Трамп хоёр цаг орчим уулзалт хийсэн боловч ямар ч шийдвэр гаргаагүй" гэж мэдээлсэн. Өмнө нь Ерөнхийлөгч Трамп Цагаан ордонд нөхцөл байдлын талаар удахгүй уулзалт хийхээ зарласны дараа олон нийтийн мэдээллийн хэрэгслээр Ормузын хоолойг нээх, өндөр баяжуулсан уранаас татгалзахыг хэлэлцээрийн нөхцөл болгон дэвшүүлсэн. 

Ираны Гадаад хэргийн яам мөн өдөр АНУ, Ираны хоорондох дайныг зогсоох тухай харилцан ойлголцлын санамж бичигт хараахан гарын үсэг зураагүй гэж мэдэгдсэн. Ираны төрийн өмчит IRNA мэдээллийн агентлагийн мэдээлснээр, Гадаад хэргийн яамны хэвлэлийн төлөөлөгч Эсмаил Багай орон нутгийн телевизэд өгсөн ярилцлагадаа "АНУ-тай санал солилцох ажил үргэлжилж байна" гэж нэмж хэлээд "Гэсэн хэдий ч эцсийн тохиролцоонд хүрээгүй байна" гэв.