Талын бор орчимд орж ирсэн баавгайг байгальд нь буцаан тавихаар ажиллаж байна

Өчигдөр буюу есдүгээр сарын 12-ны өдөр Багахангай дүүрэг, Төв аймгийн Баян сумын зааг, Талын бор орчимд баавгай орж иржээ. 

Дуудлага, мэдээллийн дагуу Нийслэлийн Байгаль орчны байцаагчид, Багахангай дүүргийн Онцгой байдлын хэлтсийн алба хаагчид болон нутгийн иргэд хамтран баавгайг барьж, Төв аймгийн Эрдэнэ сумын нутаг дэвсгэрт байгальд нь буцаан тавихаар ажиллаж байна.

Иймд тухайн бүс нутагт байгаа иргэд, малчдыг сонор сэрэмжтэй байж, аюулгүй байдлаа хангах, баавгайтай ойртохгүй байхыг анхааруулж байна.

Мөн баавгайтай таарсан тохиолдолд өөрсдөө барих, үргээх зэрэг эрсдэлтэй үйлдэл хийхгүйгээр холбогдох байгууллагад нэн даруй мэдээлэхийг зөвлөж байна.