Энканто хотхонд барилгын дулаалгын хөөс, их хэмжээний хог шатаж байсныг унтраажээ

Нийслэлийн Сүхбаатар дүүргийн 3 дугаар хороонд их хэмжээний хог шатаж байна гэсэн дуудлага 2026 оны есдүгээр сарын 12-ны өдрийн 17:09 цагт Онцгой байдлын байгууллагад иржээ.

Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчид очиж, гал түймрийг шуурхай унтраасан байна.

Тус гал түймэрт баригдаж буй 10 давхар барилгын 1-3 дугаар давхар хүртэлх гадна дулаалгын хөөс, мөн барилгын хашаанд байсан 10х20 метрийн хэмжээтэй талбайд их хэмжээний барилгын хог шатаж байсныг алба хаагчид ажиллаж унтраасан талаар Онцгой байдлын ерөнхий газраас мэдээллээ.