ЧУУЛГАН: 2026 оны төсвийн тодотголыг дөрөв дэх хэлэлцүүлэгт бэлтгүүлэхээр ТБХ-нд шилжүүллээ

УИХ-ын чуулган өнөөдөр (2026.10.05) 14:00 цагаас хуралдаж эхэлсэн. Хуралдаанаар Монгол Улсын 2026 оны төсвийн тодотголын гурав дахь хэлэлцүүлгийг үргэлжлүүлэн хийж, зарчмын зөрүүтэй саналын томъёоллуудаар санал хураалт явууллаа. Улмаар төсвийн тодотголыг дөрөв дэх хэлэлцүүлэгт бэлтгүүлэхээр Төсвийн байнгын хороонд шилжүүлэв. 

Өнөөдрийн УИХ-ын чуулганы нэгдсэн хуралдаанаар хэлэлцэх асуудал дууссан тул хуралдаан завсарлалаа. Хуваарь ёсоор энэ долоо хоногийн Пүрэв, Баасан гарагт чуулган хуралдана.