Улсын заан Б.Бат-Өлзий бөхчүүдийн чансааг тэргүүллээ

Өнгөрсөн амралтын өдрүүдээр зохион байгуулагдсан Увс аймгийн Сагил сумын 100 жилийн ойд зориулсан, Улсын начин Батсүхийн Насандэлгэрийн нэрэмжит барилдаан болон Арвайн Үндэс ХХК-ийн нэрэмжит, Улсын арслан цолны хүндэтгэлийн барилдаануудын дараа бөхчүүдийн чансаа шинэчлэгдлээ.

Улсын заан Б.Бат-Өлзий 9150 оноогоор чансааг тэргүүлж, удаах байрт Улсын начин Э.Батмагнай 8900 оноогоор чансаагаа хадгалж үлдлээ. Харин сүүлийн барилдаануудад удаа дараа чансааг тэргүүлж байсан Улсын аварга О.Хангай энэ удаа гуравдугаарт эрэмбэлэгджээ. 

Бусад бөхчүүдийн чансаа болон дэлгэрэнгүй мэдээллийг https://www.devjee.mn/chansaa эндээс харна уу.