Нийслэлийн хэмжээнд өнгөрсөн долоо хоногт /2024.04.22-28/ аврах ажиллагааны 7, гал түймрийн 37 дуудлага бүртгэгджээ. Улмаар Онцгой байдлын алба хаагчид 165 иргэний эрүүл мэнд, амь нас, 11 тэрбум 665 сая төгрөгийн өмч хөрөнгийг авран хамгаалж ажиллалаа.
Он гарсаар нийслэлийн хэмжээнд шар өвс шатсан 47 дуудлага мэдээлэл бүртгэгдээд байна.
Иргэд хашааны шар өвсөө шатааж байгаа нь эрүүл мэнд, амь нас, өмч хөрөнгөөрөө хохирох эрсдэл, ой хээрийн түймрийн болзошгүй аюулыг дагуулж буй.
Иймд хуурайшилт ихтэй байгаа энэ үед ногоон бүсэд ил гал гаргахгүй байх, үнс нурмаа тагтай саванд хийж, хашааны шар өвсөө шатаалгүй цэвэрлэх нь гал түймрээс эрүүл мэнд, амь нас, өмч хөрөнгө, ногоон бүсийг хамгаална.
Н.УЯНГА
