ХБНГУ-ЫН ФРАЙБУРГ ХОТЫН I ДҮГЭЭР ДАРГА УЛЬРИХ ФОН КИРХБАХ-ЫГ ХҮЛЭЭН АВЧ УУЛЗЛАА

Жижиг, дунд үйлдвэрийн газрын дарга Я.Эрдэнэсайхан Монгол Улсад албан ёсны айлчлал хийж буй ХБНГУ-ын Фрайбург хотын Нэгдүгээр дарга Ульрих Фон Кирхбах- ыг хүлээн авч уулзлаа.

Уулзалтад Жижиг, дунд үйлдвэрийн газрын ахлах мэргэжилтэн Б.Мөнхцэцэг, Ж.Амаржаргал, ХБНГУ-д “Монголд үйлдвэрлэв төв”-ийн үүсгэн байгуулагч ХБНГУ дахь Монгол Улсын Соёлын Элч С.Бадамхорол, ХБНГУ дахь Монгол Улсын Аялал Жуулчлалын Элч С.Бадамханд нарын албаны хүмүүс байлцав.

Уулзалтын үеэр ирэх есдүгээр сард ХБНГУ-ын Фрайбург хотноо зохион байгуулагдах “Монголд үйлдвэрлэв-2024” арга хэмжээг хэрхэн зохион байгуулах талаар харилцан санал солилцсон юм.

Мөн ХБНГУ-д Монголын бараа бүтээгдэхүүнийг сурталчлан таниулах, үзэсгэлэн худалдаа зохион байгуулахад гол үүрэг гүйцэтгэн, дэмжиж ажилласныг үнэлэн ХБНГУ-ын Фрайбург хотын Нэгдүгээр дарга УЛЬРИХ фон Кирхбахыг “Үйлдвэр, худалдаа, үйлчилгээний тэргүүний ажилтан” -аар, “Монгол төв”-ийг үүсгэн байгуулагч С.Бадамханд, С.Бадамхорол нарыг Хүнс, хөдөө аж ахуй, хөнгөн үйлдвэрийн яамны “Жуух бичиг”-ээр тус тус шагнуулсныг Жижиг, дунд үйлдвэрийн газрын дарга Я.Эрдэнэсайхан гардуулан өглөө.