Өрхийн сарын бодит орлого, зарлага адил 1.8 сая төгрөг байна

Үндэсний статистикийн хорооны судалгаанд дурдсанаар өрхийн сарын бодит орлого 98 мянган төгрөгөөр нэмэгдэж, 1.8 сая төгрөгт хүрсэн бол өрхийн бодит зарлага мөн адил 1.8 сая төгрөг байна.

Мөн өрхийн эцсийн хэрэглээ 2024 онд 22.9 их наяд төгрөг болж, өмнөх оноос 2.6 (12.9%)их наяд төгрөгөөр өсжээ. Харин төрийн байгууллагын хэрэглээ 2024 онд 7.0 их наяд төгрөг болж, өмнөх оноос 1.1 (18.3%)их наяд төгрөгөөр өссөн байна. Хөрөнгийн нийт хуримтлал 2024 онд 15.6 их наяд төгрөг болж, өмнөх оноос 2.8 (22.2%)их наяд төгрөгөөр тус тус өссөн байна.