Украинд байлдааны нисэх онгоц хангах асуудалд НАТО санал нэгдсэнгүй

НАТО-гийн Батлан хамгаалахын сайд нарын хурал энэ сарын 14-нд Брюссельд хуралдлаа. НАТО-гийн нарийн бичгийн дарга Йенс Столтенберг Украинд зэр зэвсэг хангахаа түргэтгэхийн зэрэгцээ НАТО-гийн сум дарийн үйлдвэрлэлийг нэмэгдүүлэхийг хурлын үеэр дахин уриалсан байна. Гэвч Украинд байлдааны нисэх онгоц хангах асуудалд НАТО дотооддоо санал нэгдэж чадсангүй. “Энэ асуудлаар ярилцаж байгаа. Гэхдээ энэ нь одоогийн авч хэлэлцэх асуудлын гол нь  биш” гэж Йенс Столтенберг хэлжээ. Мөн өдрийн хуралд оролцсон АНУ-ын Батлан хамгаалахын сайд Ллойд Остин, "одоогоор байлдааны нисэх онгоц хангахтай холбоо бүхий мэдээлэл байхгүй" гэжээ.

Гал дээр үргэлжлүүлэн тос нэмж буй НАТО-гийн үйлдэл нь Орос Украины мөргөлдөөнийг намжаахад нэмэргүй бөгөөд Европын орнууд зөрчил мөргөлдөөнд шууд татагдан орох эрсдэлийг улам ихэсгэлээ гэж Европын зарим хүмүүс үзэж байна.