Тэврэлт нь стрессийг бууруулж, дархлаа, сэтгэлзүйг дэмждэг

Тэврэлт нь зөвхөн сэтгэл зүйн хувьд биш, бие махбодын эрүүл мэндэд ч олон эерэг нөлөөтэй. Судалгаагаар тэврэлт нь стрессийг бууруулж, дархлаа, сэтгэлзүйг дэмждэг байна. 

Тухайлбал, тэврэлдсэнээр дархлааны тогтолцооны чухал хэсгийг идэвхжүүлж, Т (T-лимфоцит хэмээх дархлааны эс) эсийг боловсруулж, биеийн хамгаалах чадварыг дэмждэг.

Мөн тэврэлдэх үед окситоцин даавар ялгарч, кортисолын хэмжээ буурч, стрессийн түвшин багасдаг аж. Улмаар серотонин, допамины түвшинг нэмэгдүүлж, сэтгэлийн хямрал, түгшүүрийг бууруулдаг байна. 

Иймд хайртай дотнын хүмүүстээ тэврэлт бэлэглэж, амьдралыг илүү эерэг болгоорой.