Гал түймрийг бүрэн унтраалаа

Баянгол дүүргийн 16 дугаар хороонд байшин шатаж байна гэсэн дуудлага энэ сарын 25-ны өдрийн 08:36 цагт Онцгой байдлын байгууллагад иржээ.

Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн бүрэлдэхүүнийг очиход 4*5 хэмжээтэй 2 давхар мансаардтай байшин, 4*7 хэмжээтэй нэг давхар байшин бүрэн шатаж байжээ. Улмаар алба хаагчид гал түймрийн тархалтыг 08:48 цагт зогсоож, 09:30 цагт бүрэн унтраалаа.