Төмөр улайсган "Ална шүү, түлчихнэ шүү" хэмээн хүүхдүүдээ айлгасан иргэнийг шалгаж эхэлжээ

Нэгэн иргэн "Увс аймгийн зарын групп" гэсэн нэртэй фэйсбүүк группт бичлэг хийж оруулсан байгаа юм. 

Бичлэгт бага насны хүүхдүүдээ харааж, загнаж, "Ална шүү, түлчихнэ шүү" хэмээн галд төмөр улайсган айлгаж буй нь бичигджээ. Мөн "Аавыг минь эрүүл болгож өгөөч гээд гарч сүү өргөөд орж ир" хэмээн хөөж буй нь ч үлдсэн байна. 

Энэ талаар Цагдаагийн байгууллагаас тодруулахад "Тус хэргийг Увс аймгийн цагдаагийн газарт бүртгэлд оруулсан. Шалгаж байгаа" гэх мэдээллийг өглөө.