ТАНИЛЦ: Маргаашаас автобусны чиглэлд ДАРААХ ӨӨРЧЛӨЛТ орно

Нийтийн тээврийн хэрэгслийн хүлээгдлийн хугацааг багасгаж, иргэдийн зорчих эрэлт хэрэгцээг хангах, нийтийн тээврийн үйлчилгээний хүртээмжийг сайжруулах зорилгоор гурван чиглэлд өөрчлөлт оруулж, нэг чиглэлийг шинээр нэмжээ. 

Тодруулбал,

-Ч:7 буюу "Нисэх-МУБИС-Ард кино театр" чиглэлийг "Нисэх-МУБИС-Бөмбөгөр худалдааны төв",

-Ч:9 буюу "Нисэх-Нарны гүүр-Тэнгис кинотеатр-Хүнсний 4-р дэлгүүр" чиглэлийг "Нисэх-Нарны гүүр-Тэнгис кинотеатр-МУБИС"

-Ч:22 буюу “Шадивлангийн эцэс-Зуслан-Чингис СООСЭ дээд сургууль” чиглэлийн замнал хамгийн урт буюу 83 зогсоолтой, зорчигчдын хүлээгдлийн хугацаа их байдаг тул хүлээгдлийг багасгаж, үйлчилгээний чанарыг сайжруулах үүднээс энэхүү чиглэлийг богино эргүүлж Ч:22 “Шадивлангийн эцэс-МҮЭСТО-Тээврийн товчоо” болгожээ. Улмаар Ч:82 “Чингис СООСЭ-10-р хороолол” чиглэлийг шинээр нээж иргэдэд үйлчилгээ үзүүлэхээр болсон байна.

Эдгээр чиглэлийн үйлчилгээг наймдугаар сарын 16-ны өдрөөс эхлүүлэх юм.