Туул голд осолдсон хүүгийн цогцсыг олжээ

Хан-Уул дүүргийн 8 дугаар хороонд хүүхэд “Туул” голд живсэн гэсэн дуудлагыг энэ сарын 12-ны өдрийн 16:28 цагт хүлээн авчээ. 

Уг дуудлагын дагуу Нийслэлийн Аврах анги, Хан-Уул дүүргийн Цагдаагийн хэлтсийн алба хаагчид, ар гэрийнхэн Б /11 настай, эрэгтэй/-г уснаас эрэн хайх ажиллагааг зохион байгуулсан юм. Нийт 187 удаагийн шумбалт хийж цогцсыг Сонсголонгийн гүүрнээс баруун зүгт 13 км зайд “Улаан худаг” гэдэг газраас энэ сарын 18-ны өдрийн 17:07 цагт олжээ. Улмаар Хан-Уул дүүргийн Цагдаагийн 2 дугаар хэлтэст шилжүүлэн өгсөн аж.