Монголын ширээний тенниснийхэн ДАШТ-д орох эрхээ авчээ

Монголын ширээний теннисний шигшээ баг 2026 оны Лондонгийн дэлхийн аварга шалгаруулах тэмцээнд эрэгтэй, эмэгтэй багийн төрөлд амжилттай оролцох эрхээ авчээ. Энэ нь сүүлийн 10 жилийн хугацаанд анх удаа дэлхийн аварга шалгаруулах тэмцээнд Монголын эрэгтэй, эмэгтэй баг тамирчид оролцож байгаа явдал юм байна. Монголын ширээний теннисний шигшээ багтай нягт хамтын ажиллагаатай Солонгосын ширээний теннисний холбоо, багийнхан ч уг амжилтыг талархан хүлээн авчээ.

 

Солонгосын Ширээний теннисний холбооноос "Монголын теннисчид 2026 онд Энэтхэгийн Бхубанешвар хотод болох Азийн ширээний теннисний аварга шалгаруулах тэмцээнд оролцох эрхээ авснаар 2026 онд Лондон хотноо болох ширээний теннисний дэлхийн аварга шалгаруулах тэмцээнд оролцох эрхээ авлаа” гэв.

 

Монголын ширээний теннисний эрэгтэй, эмэгтэй шигшээ баг хамгийн сүүлд 2016 онд дэлхийн аварга шалгаруулах тэмцээнд оролцох эрхээ авч байсан бол эмэгтэй баг 2019 онд өрсөлдөж байсан. ITTF (Олон улсын ширээний теннисний холбоо) 2019 оны Будапештийн дэлхийн аварга шалгаруулах тэмцээнд оролцох багуудын тоог хязгаарласнаас хойш энэ жил анх удаагаа дэлхийн аварга шалгаруулах тэмцээнд оролцох боллоо.

Солонгосын ширээний теннисчдийн хамтын хичээл зүтгэлийн үр дүнд Монголын багийн амжилтыг Солонгосын ширээний теннисний холбоо сайшааж байна. Энэ нь Солонгосын Биеийн тамирын зөвлөлийн тэргүүлдэг "Хөгжиж буй орнуудын спортын хөгжлийг дэмжих төсөл"-ийн хүрээнд хийгдсэн.Соёл, спорт, аялал жуулчлалын яам болон Солонгосын спортыг дэмжих сан санхүүгийн дэмжлэг үзүүлж иржээ.

 

Солонгосын ширээний теннисний холбоо нь 2021 оноос хойш Монгол руу дасгалжуулагчдыг илгээж байгаа бөгөөд 2022 оноос хойш жил бүр Монголын ширээний теннисний шигшээ багийг Кёнги их сургуульд урьж дотоодын хамтарсан бэлтгэл, сургалтад хамруулдаг аж. БНСУ-ын Ширээний теннисний холбооноос "Бид энэ төслийг анх эхлүүлэхдээ үнэхээр үр дүнтэй байх эсэхэд эргэлзэж байсан. Гэвч Соёл, спорт, аялал жуулчлалын яам, Солонгосын спортыг дэмжих сангийн тогтвортой санхүүгийн дэмжлэг, БНСУ-ын Биеийн тамирын зөвлөлийн захиргааны дэмжлэг, Солонгосын Ширээний теннисний холбоо, Монголын ширээний теннисний холбоо хоорондын нягт хамтын ажиллагаа нь энэхүү амжилтыг гаргалаа” гэжээ.

Эх сурвалж: starnews.com