Б.Гончигсүрэн "Абу Даби-2025" их дуулгад түрүүллээ

АНЭУ-ын Абу Даби хотод гурван өдөр үргэлжилсэн их дуулга тэмцээний сүүлийн өдөр буюу эрэгтэйчүүдийн +100кг /жин/-д хүч үзсэн Хилчин спорт хороо, "Ажнай корпораци", Үндэсний шигшээ багийн тамирчин ОУХМ Б.Гончигсүрэн алтан медаль хүртэв.

Тэрбээр алтан медалийн төлөө олимп, дэлхийн хүрэл медальт, ОХУ-ын тамирчин Тамерлан Башаевыг үндсэн цагт юүко үнэлгээгээр ялж аваргаллаа. 

Абу Дабигийн дэвжээнээс Монголын баг нэг алт, хоёр мөнгөн медаль авч багийн дүнгээр дөрөвдүгээр байр эзэллээ. Улмаар 52 орноос дөрөвт жагсав.