"Буух цаг болсон" хэмээн худал хэлж, зорчигчдоо хөөж буулгажээ

Хан-Уул дүүргийн иргэн З.Өлзийбал Нийтийн тээврийн бодлогын газарт гомдол гаргажээ. 

Тэрбээр "Ч:79 (Монгол хюндэй киа компани-Яармагийн 1-р буудал) чиглэлд үйлчилж байгаа 15-052 гарааш дугаартай автобусны жолооч нь Вива сити автобусны буудал дээр иргэдийг буух цаг болсон гэж худал хэлж хөөж буулгасан байна. Буух цаг нь 21:07 цагт байна. Арга хэмжээ авч өгнө үү" гэжээ. 

Улмаар “Зорчигч тээвэр дөрөв” ОНӨААТҮГ-ын автобусны жолооч Ц.Ганбаатарт дутагдал гаргахгүй ажиллах үүрэг өгч, сургалтад хамруулахаар болсон байна.