Зөвлөгөө: Угаалтууртаа буцалсан халуун ус бүү хийгээрэй

Гал тогооны угаалтуур руу буцалсан халуун ус асгах нь ус зайлуулах шугамыг гэмтээгээд зогсохгүй их хэмжээний засварын ажилд ч хүргэж болзошгүй тул болгоомжтой байх хэрэгтэй юм. Учир нь өвлийн улиралд ус зайлуулах хоолой хүйтэнд хөрсөн байдаг учир хагарч болзошгүй байдаг байна. 

Сантехникийн мэргэжилтнүүд гал тогооны ус зайлуулах хоолойд ихэвчлэн ашигладаг PVC хоолой нь ердөө 70°C дулаанд тэсвэртэй байдаг гэдгийг анхааруулж байна. 100°C орчим буцалж буй усыг шууд асгах нь хоолойн материал мурийж, суларч, тэр ч байтугай холбоосыг холбогч наалдамхай бодис болон резинэн битүүмжлэлийг гэмтээж, ус гоожих эрсдэлийг нэмэгдүүлдэг аж.

Зарим хэрэглэгчид өөх тосыг халуун усаар уусгах нь хоолойг илүү цэвэр болгоно гэж үздэг ч энэ нь буруу ойлголт юм. Халуун ус нь өөх тосыг түр зуур шингэрүүлдэг боловч хоолойн дотор хүрмэгц том бөөгнөрөл болж хатуурдаг. Энэ нь эцэстээ бөглөрөл үүсэж эвгүй үнэрийг үүсгэдэг байна.

Ус зайлуулах хоолойг гэмтээхгүйн тулд халуун усыг асгахаасаа өмнө 60°C-ээс доош хөргөх эсвэл хүйтэн устай хольж температурыг бууруулахыг зөвлөж байна. 

Цаашилбал, хоолны савны тосыг ус зайлуулах хоолой руу асгахаасаа өмнө цаасан алчуураар арчиж авах нь ус зайлуулах хоолойн ашиглалтын хугацааг уртасгах юм. 

Бага зэргийн бөглөрлийг ус зайлуулах хоолойд гэмтэл учруулахгүйгээр арилгахын тулд хүнсний сода болон аяга таваг угаагч бодисыг бүлээн усаар найруулж ус зайлуулах хоолой руугаа хийж хэсэг хугацааны дараа цоргоны усаар зайлна.