Ургац алдсан тариаланчдын зээлийн эргэн төлөлтийг 6 хүртэл сараар хойшлуулахаар боллоо

Засгийн газрын ээлжит хуралдаанаар ургац алдсан тариалан эрхлэгчдийг дэмжих зорилгоор "Тариалан эрхлэгчдийн зээл хойшлуулах тухай" тогтоолыг хэлэлцэн баталлаа.

Цаг уурын хүндрэлтэй нөхцөл байдлаас шалтгаалан тариаланчдаас ирсэн хүсэлтийг үндэслэн зээлийн эргэн төлөлтийн хугацааг 6 хүртэл сараар хойшлуулахаар шийдвэрлэсэн байна.

Уг шийдвэрт 2023-2025 онд Засгийн газрын хүүгийн дэмжлэгтэй хөнгөлөлттэй зээлд хамрагдсан, энэ жил ургац алдсан иргэн болон аж ахуйн нэгжүүд хамрагдах юм. Зээлийн хугацааг сунгахад шаардагдах нийт 4.2 тэрбум төгрөгийн санхүүжилтийг Хүнс, хөдөө аж ахуй, хөнгөн үйлдвэрийн сайдын батлагдсан төсвөөс зохицуулан гаргахаар тусгажээ.